Beskrywing

Lig in Duisternis Uitgewers het besluit om ‘n versameling van dagstukkies uit die afgelope 35 jaar in ‘n feesbundel saam te voeg. Toe ons egter ‘n seleksie uit die dagstukkies van die afgelope 35 jaar moes maak, was die keuse so moeilik dat ons besluit het om die feesbundel eerder oor twee jaar uit te gee. Hierdie boek maak die tweede deel van ons feesbundel uit en bevat ’n verdere uittreksel uit die afgelope 35 jaar se dagstukkies. Hierdie feesbundel bevestig nie net God se getrouheid en voorsiening nie, maar ook die onwankelbaarheid van sy ewige Woord. Dat die boodskap van ’n samestelling van dagstukkies oor ’n tydperk van 35 jaar steeds relevant is, onderstreep die tydloosheid van die evangelie. Die titels van hierdie tweedelige feesuitgawe bind die twee dele aan mekaar. Dit verwoord Spreuke 9:10: … Wysheid is die vrees van die Here … en word opgevolg met … Kennis van die Heilige is verstand. Hierdie titels sê egter meer as net dat die twee dele saam hoort. Dit getuig van die dieper waarhede en waarde van die Woord. Dit bring ons van aangesig tot aangesig met die lewende God wanneer die Gees begrip en insig in die waarheid en werklikheid van die Skrif bring. Wanneer daardie kennis in die hart insak, lei dit tot ’n Godvresende lewenswandel. Amazon skakel: https://amzn.to/49FxlZ4