Beskrywing

Alhoewel die Nuwe Testament dit duidelik maak dat die leraar die opdrag het om die gemeente van die Here te versorg, te beskerm en te dien, is daar nie bewyse dat daar in die eerste Christelike gemeentes pertinent “huisbesoek” gedoen is nie. Daar is ook geen direkte opdrag in dié verband in die Nuwe Testament nie. Desnieteenstaande was leraars betrokke by die lief en leed van lidmate. Daar word gemeen dat die oorsprong van die huidige praktyk van huisbesoek by Calvyn gevind moet word. Ná Calvyn het huisbesoek deur ampsdraers ’n algemene instelling in gereformeerde kerke geword en is vanuit Europa na Suid-Afrika oorgebring. In ons tyd is daar egter baie vrae oor huisbesoek: Is dit ’n opdrag van die Here? Is dit van nut vir die lidmaat sodat daar tyd daaraan afgestaan moet word? Indien wel, hoe lyk behoorlike huisbesoek? Tesame met ’n kort historiese oorsig oor huisbesoek, is dit van die vrae wat in hierdie bondige publikasie beantwoord word.